今日快报
化伤心为食量 唐诗咏约黄翠如食甜品
获封为“最完美女友”嘅唐诗咏，上星期宣布同拍拖两年几嘅洪永城分手，令唔少人都大感惊讶。虽然两人情已逝，但唐诗咏同洪永城嘅老友黄翠如仍然姊妹情深，佢喺Instagram上载咗黄翠如嘅单人相，留言：“我眼中的她，是一个不折不扣的小男生！”隔咗几个钟后佢又上载自己嘅单人相，话：“她眼中的我，是一个不折不扣的大吃货！”冇男朋友，但有好姊妹陪一样咁开心同sweet呀！
惠英红将爆粗Quota留畀林雪
三届金像影后惠英红与一班演员在尖沙咀出席叶念琛执导的迷你剧《心冤》煞科宴。她在访问中表示剧集水准高，如开拍第二季会继续拍落去。她又表示因剧集在收费电视内播映，所以尺度较一般剧集较高：“我第一次拍粗口戏！”更笑指之前拍戏时曾有机会在戏中爆粗，却因电影要维持在IIB级，而将限额留给林雪：“今次佢哋话好型，我嗰场系嬲到用枪指住对手，讲信唔信我打‘咩’死你！”
虽然剧集最后部分有动作戏，但惠英红坦言最辛苦是对白有大量术语，更试过九张纸对白拍足五个几钟：“平时啲剧九张纸拍个几钟！”问现时接工作是否较看重挑战性，她即谓：“梗系啦，唔系以前咁样为钱，剧本唔好会畀人闹！”不过，另一主角黄秋生就因发烧而未能到场，惟有靠惠英红撑场。
拍拖十周年！丁子高送惊喜 吓死千嬅
歌手杨千嬅于2009年同拍拖两年嘅丁子高注册结婚，婚后两公婆一直表现恩爱，原来近日仲系佢哋两个拍拖十周年，丁生仲畀咗个大惊喜畀丁太。
首先丁生喺社交网上载咗一张蛋糕相，蛋糕上写住“10th DATING ANNIVERSARY”，佢仲留言话：“今次真系最惊吓⋯哈哈！#开开心心十周（周）年 #爱你爱到吓死你”千嬅一定冧到爆！以为个蛋糕就系大惊喜？咁你就错啦，相隔无耐千嬅再甫相，见佢拎住扎紫色花笑得好甜，留言话：“Big surprise❤❤❤❤#我们10 #thankyou @real_ting #anniversary #吓死人”系女人都锺意收花，重点系千嬅一向锺意紫色，丁生咁了解老婆心意，难怪千嬅开心到话呢个系一个“Big surprise（大惊喜）”啦！
姊妹缘尽！区文诗决定唔做“和事婆”
艺人区文诗（Angela）到中环出席活动，提及前Cookies队友吴雨霏（Kary）与杨爱瑾（Miki）不和，问做和事婆情况如何？Angela似是有备而来地说：“依家唔兴做和事婆啦！（有冇帮佢哋？）几个都大个女啦…自己识处理。（两姊妹决裂？）个个都系我朋友，学Kary咁话，朋友系需要有缘分。”
至于Kary与Miki是否缘尽？Angela坦言没有考究过。而两人是否不再是好姊妹？Angela认为做朋友或者情人是很难由外人插手。说到日后生日饭局都要分开和两人食，她觉得冇所谓。
说到邓丽欣（Stephy）的排球队，Angela指对方看得很开，Angela自言害怕做中间人，觉得少讲话对整件事有帮助：“加上件事唔开心，唔想有太多猜测令当事人唔开心。（近排有冇见过Kary同Miki？）探过Miki嘅BB，之后到Kary生日会。（你两头做人难？）见Miki都可以讲凑仔经，见Kary都可以讲新事物。”
问十多年姊妹情弄成这样是否很可惜？她坦言希望自己置身事外，觉得很多事都是缘来缘去：“依家有啲嘢解决唔到，将来可能冇事呢，我知佢哋唔想再提呢件事。”
陈倩扬望追个女 郭羡妮恨生仔
由陈倩扬主持的奇妙电视节目邀得郭羡妮（Sonija）担任嘉宾，在节目中制造婚纱，Sonija承认有点喜出望外：“因为我妈咪好锺意车衫，我细细个耳濡目染都锺意咗，仲试过亲手造过一件衫畀自己，今次整婚纱就系第一次！”
两位靓妈对手作仔好有心得，倩扬最经典是花6小时造作皮银包，她说：“我系整嚟送畀老公嘅，点知佢话我整咗6个钟，唔舍得用，一直收埋在柜入面。”Sonija则说：“我老公最锺意食，尤其锺意龙虾汤，我只要整嘢畀佢食就得㗎喇！”
Sonija现有一女，而倩扬则有两子，谈起子女经，倩扬原来好想追多一名囡囡，而Sonija则希望再添一名儿子，二人笑谓要互相黐实对方，希望彼此得偿所愿！
☞转载授权微信：lama129
☞ 商务QQ：443317765
☞投稿邮箱：tghkchannel@163.com