今日快报
爆讨厌曾志伟！阿佘自揭对林峯用情最多
被公认好戏嘅佘诗曼原来厨艺亦好了得，佢不时会在社交网站上分享自己的煮菜心得和上载影片，绝对系「入得厨房出得厅堂」。佢出席由人妻小S（徐熙娣）主理嘅大陆开饭节目《姐姐好饿第2季》，大显身手。
问佘诗曼「最不喜欢的男艺人是谁？」她老实不客气直指是「曾志伟！」谈及好拍档林峯，由于二人曾是荧幕Couple，阿佘坦言对他投入最多感情。
熊黛林唔想再同城城扯上关系
名模熊黛林出席活动，问到是否有喜事？她表示正努力中，不想计时间而令自己大压力，顺其自然，而且要经常到不同地方工作周围飞。问到老公有冇叫唔好工作？她说：「佢锺意我…做嘢个样。（有冇诈型？）冇，拍拖佢都有飞去探我，一个月一、两次。（做人妻又唔同？）佢都有探我，冇变，当拍拖。（想生仔而接少啲工作？）有工作都系福气，系幸运，有人想都冇，要感恩知足，系你嘅始终都会嚟，唔强求。」
提到早前在内地节目上似是暗讽郭富城奉子成婚，问到是否知道对方已有bb？她说：「我点知人哋啲嘢，我自己点就点。（佢做爸爸？）唔知。（唔想同佢扯上关系？）唔系好想囉。（点解节目上会咁讲？）我讲自己，有计划结婚，系事实。」
被问系咪处女 冯盈盈嗌尴尬：唔知点答
无线艺员冯盈盈在钻石山出席「big big channel 后生仔 KOL 签约仪式」暨「big big college 开学典礼」。冯盈盈在台上毫不客气摸KOL林正峰的肌肉，连司仪也笑言提醒她还未卸任，盈盈受访笑说：「佢系我大学师弟，我试吓佢啲肌肉啫，证明佢做开GYM啫。」
冯盈盈在节目《#后生仔倾吓偈》中取笑嘉宾是处男捱批，她说：「第一集佢哋有啲怕丑，我都系搞吓气氛，呢啲话题大学生O camp都会讲，大家开开心心倾吓偈啫。（有冇人问你系咪处女？）咁又冇。（问你点答？）唔知点答添，好尴尬呀，哈哈。（节目如果讲到性话题会唔会答？）呢个题目冇乜好避忌，都系健康去讨论。（放低港姐形象？）唔系，唔同场合做唔同嘅嘢。」
翁虹拍剧发生意外 脑震荡兼左胯骨受挫
已经一段时间冇拍摄武侠剧嘅翁虹，刚刚就完成咗新剧《武当一剑》嘅拍摄工作，佢话今次套剧同当年无线剧《大唐双龙传》嘅角色有啲似曾相识嘅感觉，不过就觉得依家嘅演技成熟咗好多，所以拍摄时更得心应手，尤其拍摄动作场面时，感觉到身体软柔度更胜从前。翁虹表示今次剧入面饰演「常五娘」一角，外表看似妩媚动人，性格看似玩世不恭，心底里是会为爱燃烧自己和粉身碎骨的一个女侠。
不过，喺拍摄一场策骑戏份时不幸发生咗意外，好彩翁虹当时反应敏捷，只受到轻微脑震荡同左胯骨受挫，可以话系不幸中之大幸。不过一向专业嘅翁虹，喺意外发生后不足几分钟，就坚持要立即埋位继续完成戏份，令到现场嘅工作人员、演员同导演都畀佢嘅专业态度所感动，赢得全体工作人员嘅掌声。
问到翁虹今次点解接拍呢部剧，佢话因为呢套剧系全部实景拍摄，去咗湖北嘅神农架野人林区同武当山，佢话：「如果唔系因为拍戏嘅关系，自己可能一世都冇机会去呢啲地方见识到。」问到在野人林区有否见到野人？翁虹就话：「好遗憾冇见到野人。」
愈大愈似妈咪 锺嘉欣囡囡靓样出晒嚟！
艺人锺嘉欣（Linda）自从上年8月生咗囡囡Kelly后，长期留喺加拿大照顾囡囡，虽然时不时都会返香港同大家见面，不过爱女心切嘅Linda当然以女为重，成日喺社交网Update囡囡嘅新相。
今次Linda又再上载Kelly嘅靓相，Kelly扎起头发，着住花花裙，成个少女味已经出晒嚟，个样仲愈大愈似妈咪，眼大大嘴细细，同之前嘅BB样唔同晒，而Linda就打咗一大篇文，自爆Kelly已经重到抱佢时手又攰又痛，又会成日拉扯Linda啲头发，食饭食到周身都系等，不过最后Linda都系忍唔住指Kelly依然都系佢嘅一切：「Hi my sweetheart Kelly, even though my hands are getting so tired and sore from carrying you, even though you always yank my hair out, even though you make a mess when eating, even though mommy doesn't get enough sleep... and you're always under mischief...Mommy will always love you. lovelovelove -Kellymommy-」
哗，个爱的宣言咁Sweet，加上囡囡又咁cute，引嚟大批网友狂畀Like，仲大赞Kelly好靓女添～
☞转载授权微信：lama129
☞ 商务QQ：443317765
狂戳，周末福利任你拿！