今日快报
惊爆！Linkin Park主音Chester上吊身亡
惊爆！据外媒报道，美国摇滚乐团Linkin Park主音Chester Bennington于加州寓所中上吊身亡，终年41岁。据外媒引述警方消息，Chester Bennington的尸体于当地时间周四早上九时左右被工作人员发现。有指当时大宅只有Chester一人，其太太与仔女并不在家中。
Linkin Park为美国著名摇滚乐团，更被称为玩Nu Metal风格的最成功乐团，Linkin Park于1996年成军，主音Chester Bennington便已是主要成员，期间Linkin Park与不同音乐人合作，更两度获得格林美奖。最多香港人熟悉的Linkin Park音乐，相信便是主唱的电影《变形金刚》的主题曲《What I've Done》。
Chester Bennington与今年5月同样上吊身亡的美国乐队Soundgarden兼Audioslave主音Chris Cornell为好友，Chester Bennington在Chris Cornell的葬礼中献唱悼亡友，而Chester Bennington身亡的日子（7月20日），正正就是Chris Cornell的生忌！
以阿佘做目标！麦明诗处女剧预捱批
麦明诗去年以白纸一张的演戏经验拍摄处女剧《赌城群英会》，做足心理准备面对批评，还自嘲戏份不多：「唔会污染大家眼球好耐。」首次拍剧最大收获是能向「师姐」佘诗曼偷师，令她有所启发。
「十优港姐」麦明诗去年拍摄的处女剧《赌城群英会》正在热播，新人来说表现合格。麦明诗紧张又期待，望能改进表现，她说：「自己最介意用咗错嘅演绎方法一路错落去，拍摄头几日好紧张，讲句对白好似背书咁，最简单走位都行错，有时又遮咗自己块面，不过都算学得快，好多谢大家嘅包容。自己戏份唔算多，就算做得好乞人憎，都唔会污染大家眼球好耐，唔会成日见到我，大家会舒服啲，哈哈。」
麦明诗认为拍摄《赌》剧最可惜是未能与「师姐」佘诗曼有对手戏，但亦有偷师及攞贴士，她说：「自己好锺意阿佘嘅《天与地》同《使徒行者》，有问佢有乜贴士，佢第一句就叫我放松，同埋融入剧本世界，但放松都唔系咁易做到。睇阿佘做戏好自然，平衡得好好，自己可能要几年时间先掌握到。」麦明诗坦言会以阿佘为目标，希望接拍一部感动人心的作品。
麦明诗首次拍剧就与何浩文有锡锡戏，虽然是蜻蜓点水，但始终都是「第一次」，拍剧期间更传出绯闻，她说：「自己读书可以好专注，将专注用番落拍剧，所以拍嗰阵都冇尴尬。」麦明诗又感谢公司及监制王晶起用，她说：「晶哥话觉得我好大胆所以搵我，可能做演员起码要有胆去试啦。」
有亲密相！胡定欣否认挞着小鲜肉治情伤
艺人胡定欣在尖沙咀出席无线新剧《宫心计2深宫计》煞科宴。提到有指她因绯闻男友陈展鹏转恋单文柔而受情伤，所以在内地开工时与无线小鲜肉施骏喆秒速挞着，更有亲密合照为证，她即谓：「唔好误会，张相系喺慰劳宴影，张相影咗个几星期，有呢个新闻都几好笑。（唔系情迷小鲜肉？）唔好乱咁写，佢系小影迷支持我啫！（有着落未？）等待紧，希望拍完剧休息吓，识吓朋友扩阔吓生活圈子。希望传媒手下留情，畀我清吓个File，畀我识吓朋友，唔识我嘅人会误会！」
提到《同盟》即将播映，问会否担心与陈展鹏宣传时两人绯闻被重提，她即指届时大家都会努力去宣传：「冇啦！希望出到街有好成绩！（同佢碰面唔尴尬？）你哋唔讲唔问就唔尴尬架喇！（喺横店见到马国明同黄心颖好Sweet？）我可唔可以讲有？！」有指作为马国明旧爱的她非常让步，她表示与对方是好好朋友：「其实唔需要理有关新闻，唔会影响我同佢相处。我都祝福佢有个好女朋友，有个好归宿，早日成家立室。」
提到「胡说八道会」卖甩她去玩，她笑谓：「好嬲呀！其实系我去咗旅行啫！但佢哋真系趁我开剧开到天昏地暗、趁我唔喺香港就约到齐人，我要自我检讨。」又指29号与「胡说八道会」到澳洲拍摄特辑，届时更会亲自操刀帮大肚杏儿影孕妇写真：「睇佢有冇准备孕妇Bikini！」更笑指胡蓓蔚打算拎三个箧出发。
死唔认爱！马明同心颖冇共同Project
艺人马国明在尖沙咀出席无线新剧《宫心计2深宫计》煞科宴，而其绯闻女友黄心颖则因有工作而缺席。谈到他们到横店开工时朝夕相对，应该非常开心，他即谓：「我系去拍戏唔系去沟女！」记者即指他与心颖食饭时黐住合照，他就：「唔系嘅，个个都有黐。（你同心颖感情突飞猛进？）都系咁啦！（你笑喎！）了解多啲囉，知佢食得辣而我就唔食得辣。」
提到前度胡定欣指马国明和黄心颖Sweet到爆，他即拉开话题指对方与其他演员收工去按脚亦玩得好「Sweet」。讲到定欣亦祝福他早日搵到好女仔，他即谓：「我都祝佢早日搵到好男仔，唔使成日搏杀事业。（几时到你成家？）冇咁快啦！起码未去到一齐睇家俬嘅地步！（睇家俬就即系结婚？）如果一齐睇家俬、睇楼就应该近喇！」
讲到心颖最近买楼，记者指马国明可以趁机陪心颖睇家俬时，他说：「佢自己买楼啫，又唔系同佢共同嘅Project。（你依家同佢有咩共同Project？）依家冇。」提到他不打算陪对方出埠开工，问是否已经对到厌，他妙回谓：「我对我阿妈40年都未厌，啱倾嘅唔会用时间衡量。（咁你几岁会结婚？）时间到就嚟，但暂时未谂到咁长远。（你都咁上下年纪！）唔系计年纪，系睇两个人系咪啱时候。（同心颖倾过？）未研究到呢个问题呀！」
问他们其实是否正式拍拖，他虽然坚称还是了解中，但不会介意心颖被报道冠以「女友」称号：「我唔会反驳，但真系仲了解紧！（仲要了解几耐？）仲要了解好耐！」
相隔10年再出广东歌 陈晓东孖老婆拍MV
阔别香港乐坛十年的艺人陈晓东（东东）与老婆王妤娴出席“万希泉x陈晓东．时间做证陀飞轮 暨新歌发布会”。东东对上一次唱广东歌已是十年前，今次更获得一众圈中好友如陈慧琳、邱颖欣、舒淇及张敬轩拍短片支持新歌推出。
在台上东东表示自己不是一个浪漫的人，但幸得老婆包容互相扶持，又形容是一段细水长流的感情。问到是否与老婆首次合作拍摄MV，东东说：“今次唔系，第一次应该系喺3年前一首国语歌，但广东歌就未试过，今次有手表产品，所以一齐合作。（一齐搵银？）唔算。（MV入面冇啲缠绵镜头？）费事肉麻亲大家吖嘛。（你话你唔浪漫？）其实觉得我感性方面投入喺拍戏唱歌表演入面，可能大个仔咗，自己平时愈嚟愈理性。”
同时，东东认为现时心态比以前不同：“依家大大声讲呢个系自己嘅理想，唔系话一个演唱会带畀我咩，而系一件我好想做嘅事，有理想唔怕大大声讲出嚟。”东东又想跟拍短片支持他的旧朋友再合作：“每次开演唱会都叫我做嘉宾，我话好呀。”
最后，东东表示想返香港发展：“好想，但依家仲喺上海拍紧电影《上海五虎》，拍完我谂8月中会返嚟，只要香港有活动，我都想参与。”
☞转载授权微信：lama129
狂戳，周末福利任你拿！