台湾天后萧亚轩（Elva）自4月同小鲜肉男友分手后，佢忽然变身社交网狂人，上星期一（17日）凌晨仲玩埋直播，近一小时直播入面，Elva不断拨秀发，喺自己屋企搞Party嘅佢，喺镜头前拎起酒杯饮红酒，又唱又跳，得闲又同大家开心Share佢个衣帽间，似有些许醉意嘅Elva仲忽然力证自己冇整容，加上直播去到后段Elva唔小心露Bra边兼大骚腿上瘀伤，真系睇到网友哗哗声！
搵助手澄清为人唔“难搞”
直播中，Elva先系澄清被指“难搞”嘅传言，搵嚟合作咗两个月嘅助手入镜，系咁问对方一齐做嘢嘅感想，被助手大赞：“很简单的一个人，认真用心地爱每一个人。”感动到Elva大嗌想喊。
揑鼻搣面证冇整容
而Elva自公开整咗缝双眼皮以嚟，外貌变得更精致，经常惹来整容疑云，唔知系咪被指控太多次，今次佢就嚟个自爆，大方喺直播中搣自己鼻头，仲捏到变“猪鼻”又红晒，去澄清自己个鼻子冇整过，佢又捏脸颊，自踩块面太瘦，想去打填充物“整整佢”，不过佢就唯一承认对眼有加工：“我真的只有缝过双眼皮！”
（来源：东网）
OnCity