无线热播的剧集《踩过界》最近大受好评，唔少剧迷星期六、日都坐定喺电视机前面等睇！而今个星期就会播出第一季嘅第13同14集，之后就会进入第二季嘅剧情，而第二季嘅全部14集已经在内地网站（爱奇艺）有得睇喇！
第二季剧情主要系讲王浩信同朱千雪的情缘，但朱千雪就畀饰演佢爸爸的单立文极力阻止，唔畀佢同王浩信一齐，朱千雪无奈之下就离开香港仲打算同翟威廉结婚。
但结婚前朱千雪就觉得自己忘记唔到王浩信，选择逃婚返香港搵王浩信仲劝佢做手术等佢重见光明，以为一切都好如意嘅时候，王浩信拆开眼嘅纱布嗰日，朱千雪就畀人杀死咗！
王浩信当时就以为张振朗系杀人凶手，而李佳芯就觉得事实唔系咁，所以决定为张振朗做辩护律师。李佳芯仲查到证据证明张振朗系无辜，但同时畀真正嘅杀人凶手单立文发现，单立文知道即刻杀人灭口，将李佳芯推落悬崖。
后尾王浩信都发现到呢个证据，仲成功用计将单立文送入狱。虽然恶人有恶报…但相信朱千雪死咗呢个结局，都冇人会觉得呢一个系一个Happy ending！
PS：王浩信同李佳芯有劲爆床戏，王浩信同李佳芯离开餐厅后遇上大雨，佢哋喺雨中共舞，情节有啲似电影《Singing In The Rain》。
而一直暗恋王浩信嘅蔡思贝咁啱上咗去王浩信屋企帮佢执屋，离开嗰阵遇到王浩信同李佳芯一齐返嚟，于是蔡思贝匿喺王浩信床底。
（手机亮度调到最亮！！！）
王浩信除咗衫后，李佳芯仲主动献吻，王浩信抵受唔住引诱，齐齐上床揽钖，搞到匿喺床底嘅蔡思贝即时掩面落泪。见到心爱嘅人同另一个女人上床，蔡思贝真系阴公猪啦！
最后提醒一下，目前内地网站的版本系有经过删剪，所以在无线播的版本才是最原汁原味的！
对于大结局剧情被披露，问到会否怕继续影响于无线播放的收视时，监制林志华接受访问时谓：「结局知道了，但睇剧集享受过程才是重要！呢套剧绝对值得大家细心欣赏，慢慢享受！此剧的口碑好，冇失礼港剧，希望努力为此剧付出的人得到应有回报！」
☞转载授权微信：lama129