美好的12月
从把东南亚装进自己的胃开始
一间食正宗南洋菜的店
坚哥,90年代初到澳门工作,十几年后翻到佛山,因为热爱美食并潜心钻研,宜家自己开店做老板兼主厨,将系澳门了解到的南洋美食带翻来佛山。
SIGNATURE DISHES
招牌主食
特色新马叻沙
墨鱼饼叻沙
叻(le四声)沙又称喇沙(马来语:Laksa),系一道起源于马来西亚的面食料理,为马来西亚和新加坡的代表性料理。
墨鱼饼叻沙系店里面 最多人中意食的,点解?因为呢个墨鱼饼系坚哥自己手 打 出来的!非常弹牙有嚼劲,简直甩出面果d机器打出来噶九条街!
溏心蛋系卤过的,所以皮系黑色有d硬而且食落咸咸地好够味,蛋白上面放噶系马来西亚参巴酱,甜甜地有d微辣,大家可以根据自己口味来调~
坚哥 连豆腐卜都要选阳山的,细节满分!想系佛山食到又便又正的叻沙,唔去南洋美食又去边度食?
一啖粉一啖汤,叻沙汤底系坚哥自己调味熬制而成,将海燕鱼干、虾米、猪筒骨混一起,加入香茅南姜等,熬3-4个钟头,超级香!讲街口系夸张d噶,但 门口绝对闻得到!
印尼大虾叻沙
其实小编都系d好直接噶人,你问我 墨鱼饼叻沙同印尼大虾叻沙有咩唔同?就系大虾同墨鱼饼的差别(老板会唔会想打我)
印尼大虾明显游惯海水,大只指的系佢噶身材,成身超结实的肌肉,咬落好爽!食落好甜!咸鲜届NO.1!重点系!话唔埋你食多两只都可以变到咁大只咧(呵呵讲呢d)
地道越南河粉
越南牛肉河粉
呐,河粉我地成日食,天真的小编系食之前仲幻想,广东河粉同越南河粉唔通有咩亲戚关系?食完之后发现答案系,冇噶。
就好似老婆饼真系冇老婆咁,自从食过某碗羊肉粉只有一片羊肉之后,小编再也不相信羊肉粉了。但系!坚哥出品的越南牛河!牛肉打孖上,图上夹住的就系美国双层肥牛,果种 油甘味 同 牛味 真系同外面d一层肥牛完全不一样
越南河粉,万分Q弹,滑到飞起,真系担心你唔小心吸一啖都未食到咩味就直接吞咗(不要问我为什么知道!)唔中意咁弹噶朋友,可以叫坚哥帮你煮淋d,呢d都系小问题。
最后介绍一下好多人都好奇的上面黄黄地脆脆地硬硬地噶系咩来?虽然佢睇落去blingbling咁好抢眼,但佢有一个低调噶名叫炸葱酥佢同 薄荷叶泰国柠檬辣椒仔一起组成配菜F4,撑起成碗越南河粉噶颜值。
正宗泰国冬阴功
海鲜贵刁
冬荫=酸辣 功=虾 冬荫功其实就系酸辣汤噶意思。冬荫功的酸来自青柠檬汁,辣来自朝天辣椒或者辣椒酱,鲜咸来自鱼露和糖。香气来自香茅、泰国柠檬叶、南姜的组合。
图上面系小编系 坚哥厨房 搜刮翻来的奇奇怪怪的“物体”,里面果然真系有香茅,南姜,泰国青柠等等。不过小编最中意噶就系一个个小小的泰国小圆茄
▲冬荫功变身gif
唔睇动图完全唔知汤下面仲有 咁多料!宜家咁良心噶老板边度有!各种泰式蔬菜加上海鲜,配搭独特味道的冬荫功汤,分分钟挑逗你噶味蕾。
两大只虾两大只青口两大旧鱿鱼,唔单止牛肉要双层连海鲜都要打孖上!
如果 主食 已经成功咁令到你有
想食的欲望
咁 小食 会将呢种欲望变成冲动
犹如洪水般爆发!
POPULAR PRODUCT
人气小食
如果你以为下面系南洋美食的全部小食,我只能说,这是一个错觉。
以下排名不分先后:
甘蔗虾
甘蔗虾是什么鬼?越南著名小食!把祛壳的鲜虾肉,剁碎,打成虾胶后,裹系甘蔗枝上放落锅度炸。虾肉由于吸收咗甘蔗噶清甜,既香,又鲜、嫩、甜。当然你仲可以食埋条蔗~
嗯,我觉得 外皮金黄酥脆,还粘着星星点点的面包糠的蟹腿虾可能系成间店最贵的小食了,蟹肉新鲜嫩滑,一定要趁热食!
香茅鱼卷
虽然香茅唔可以食但佢果种好特别噶香味已经渗晒入鱼胶里面,绝对系你冇试过噶味道。
芭莎鱼系泰国普遍的淡水鱼,新鲜炸出来噶鱼酥卷外脆内嫩,食完成个人好似去咗泰国咁啊~
芭莎鱼酥卷
好食到简直停不下来!
咖喱牛肉角仔
青柠檬辣椒酱
见不到咖喱但食得出浓浓的咖喱味
海鲜春卷with鱼露
千其唔好问我里面有咩海鲜,有本事自己吃出来(最多俾个good你)本来春卷系咸噶,但配上上面的沙拉酱,又有d酸酸甜甜,真系ok噶~
土豆丝虾卷
酸中带甜,甜中有辣,和外酥里嫩的虾肉配起来,非常香口,是一种无比曼妙的综合味觉享受
Lunch Time
午/饭/时/间
青稻花鹌鹑蛋
青稻花其实就系水稻开花的时候收谷,祛咗出面个壳,粒米米皮系绿色,而米心系白色的。然后压扁就变做你上面睇到噶绿色啦~未试过噶就几大都要试过先啦!
凤尾虾春卷
with鱼露
需要搭配鱼露一起食的凤尾虾春卷亦都系人气小食之一。鱼露噶咸鲜配上凤尾虾的酥脆爽甜当然也是棒棒哒~
虽然排名不分先后,但小编系最后食到呢份 凉拌泰汁腌青口!系食咗上面咁多份炸嘢之后!泰汁mix青口的小清新口味,瞬间好似系食火锅遇到雪糕噶感觉!
有小食又点可以冇咗嘢饮呢?
HOT DRINK
超高性价比饮料
泰国桔仔冰
去过大马旅游噶人几乎都尝试过一种叫桔仔冰 噶 马来西亚特色饮品,无论系上档次的酒店,还是华人的茶餐厅,又或者是街边的饮料店,几乎是随处可见,可见当地人离唔开没有桔仔冰的生活。
百香果酸但加埋桔仔青柠,味道完美接受!加埋食咗上面咁多热气嘢,一定要饮翻杯桔仔冰下下火!
澳门丝袜奶茶
味道比出面奶茶店十几廿蚊杯噶仲要好饮好多!浓浓的红茶味同奶的香甜混完美混合,冬天饮一杯成个人都暖粒粒!
食噶就先介绍到呢度
更多美味就等你逐样逐样去试啦
南洋美食
好中意店内的colourful小风扇,因为佢除咗系一把风扇仲系一个mini音响,里面成日都会播d怀旧粤语歌,简直首首都听过(一不小心就暴露咗年龄)
▲会唱歌的风扇.gif
我来说两句排行榜