今日快报
坐正做星梦一哥！周柏豪扬言想做视帝
歌手周柏豪出席加盟「TVB NEW MEDIA及星梦娱乐」记者会，柏豪以红黑色西装现身，当星梦老板何哲图上台时更直呼柏豪为「星梦一哥」，而柏豪接受访问时形容加盟新公司是「人工高、福利好」，新公司将以三年内有八位数字这个酬劳邀请他加盟，柏豪指酬劳令人惊讶。
柏豪台上说：「多谢各位嘉宾出席我嘅大日子，今日我好紧张，感觉好似大个仔。2017年7月系我入行10周年，回想呢10年好多人都帮过我，旧公司亦帮我实现咗好多梦想，所以亦都要多谢帮过我嘅人；而新公司同我嘅理念一致，希望大家一齐出发。而目前最期待嘅工作系拍电视剧，会投放多啲时间系呢个Project度，嚟紧会拍嘅剧集系《再创世纪》，当年《创世纪》播嘅时候自己都有追睇。」
问到柏豪被老板何哲图直呼「星梦一哥」，感受如何？他直言：「佢先系一哥，其实我喺屋企排第二，我有个哥哥嘅。（工作系嘛！）乜称呼都好啦，总之男人嚟讲，唔好做九叔啦。今日好开心，呢一、两年自己发生咗好多大事，今日我都好紧张，仲紧张过结婚。」
至于无线副总经理（节目及制作）杜之克及助理总经理（非戏剧制作）余咏珊都先后上台给柏豪送上闪爆贺礼，并祝柏豪于乐坛上发光发热。而余咏珊更笑言柏豪这两年有两件大事发生，一个是他结婚，但柏豪选择秘密结婚，所以她无法参与，到第二件大事她终于可以参与！
唔系蔡思贝！徐肇平认有新女友
艺人徐肇平出席首映礼时，提到被拍得与一名女子手拖手，他大方承认对方是女友。问到母亲黄淑仪对女友有何评价？他指母亲向来不会过问感情事，没有给予意见。
早前与蔡思贝传出绯闻，他澄清说：「一路都系朋友，可能之前影到我哋行街、食饭。」问到与现任女友拍拖多久？他说：「要问番佢，因为我哋一齐得好自然。」事后他又表示二人3月底开始拍拖，对方从美国读书回港，经朋友介绍而认识。问到女友知否他绯闻多多？他说：「佢都知呢行有呢啲嘢，佢好明白有时拍剧会有锡嘅场面。（明白同接受唔同喎！）佢接受，好支持我。」
黄心美离婚 好彩有心颖BB睇住
35岁嘅黄心美(Scarlett)以前大家会标签佢系「心颖BB家姐」，o依家大家会叫佢「ViuTV一姐」，喺ViuTV有唔少发展机会，不过感情方面就相对沉闷，最近就被指同保钓烈士陈毓祥之子陈安立拍拖，不过佢就好决绝咁否应。
其实Scarlett喺早年曾经同当时拍拖5年半嘅台湾籍老公Thomas结果，不过结婚4年半就决定离婚，Scarlett喺早前接受访问，佢仲讲到由拍拖到离婚呢十年时间，佢同老公都系异地恋，未试过同居。讲到离婚，Scarlett仲话律师曾经想帮佢争取赡养费，不过问到佢老公每个月有几多收入，佢竟然唔知，因为佢从来唔会理。
离婚又点会唔伤心吖！好彩有个好细妹安慰佢，Scarlett仲讲过原来喺佢决定离婚之后，心颖BB因为担心家姐做傻事，就算瞓觉连眼镜都唔除，有咩事一擘大眼就可以望住家姐，兼夹捉实佢只手咁瞓，难怪佢哋姊妹感情咁好啦！
萧正楠翠如日本放闪 曹永廉：得而诛之
艺人萧正楠（Edwin）同黄翠如呢对圈中模范恋人感情相当稳定，两人不时喺社交网隔空传情，今日Edwin又再放闪，佢上载一张有两对脚嘅相，眼利网民估到呢两对脚分别属于Edwin同女友黄翠如，而两对脚踩住咗印有鱼图案嘅地板，地板写咗日文「水族馆」，应该系佢两个去日本旅行时影嘅相。
咁都未够Sweet，最甜嘅系Edwin留言话：「Wherever the fish are, that's where we go. （无论鱼在哪里，那就是我们去的地方。）」而黄翠如个名「如」跟「鱼」谐音，即系黄翠如去边，萧正楠就会跟去边，简直冧死人，网民都话：「好闪呀！」
Edwin除咗有个好女友，仲有个好兄弟，佢就系曹永廉，今日曹永廉都有上载二人合照，其中一张系Edwin以古装造型扮女人，真系好「娇俏」，曹永廉都忍唔住留言话：「穿越4百年来打救世人，特别想打救你@萧正楠Edwin……你，你个样真系人人得而诛之。」
王君馨婚宴 伍允龙与钟嘉欣相见不相认
艺员王君馨（Grace）与老公Daniel今日在赤柱美国会设宴庆祝新婚及12周年纪念，还在big big channel开直播与粉丝互动，同大家分享新婚喜悦。
这次婚宴，钟嘉欣担任伴娘，伍允龙亦获邀出席。时隔一年多，这对昔日情侣在婚宴「世纪同场」，二人近在咫尺，伍允龙站在布景板前面给媒体拍照，样甚尴尬；
而嘉欣就站在同一布景板后面接受媒体访问，二人全程都刻意回避眼神接触，未有任何交流。
而曾与伍允龙传绯闻的刘佩玥亦跟Philip「重逢」，而伍允龙亦有在IG上载他跟刘佩玥的合照，但就不见他跟锺嘉欣的合照。
☞转载授权微信：lama129
☞ 商务QQ：443317765
小编昨天打游戏的时候被欺负了
有没有想帮我的
快来在游戏中帮我打败她
长按识码，和我一起战斗
偷偷告诉你，狂戳阅读原文，可以直接进入哦~