今日快报
【重提胡囧囧】杏儿为老公谢绝性感咀戏
艺人胡杏儿早前作客奇妙电视节目《天下第一Friend》，接受主持兼好友郑绍康访问。提到杏儿当年被冠上「胡囧囧」绰号，她即谓：「咁我真系喊得唔靓呀嘛，人哋话得你实有原因，咁我咪检讨吓啰！」讲到事业发展，她自爆曾经有两个迷失期：「第一个迷失期系刚开始一直做邻家女孩角色，我谂过自己究竟有冇机会做主角呢？第二个迷失期系好多剧拍嘅时候，拍到天昏地暗，我觉得自己好似一部机器，冇时间去谂点样可以做得更好！」她庆幸当时遇上为她指点迷津的刘松仁。
后来杏儿亦遇上同样迷失的胡定欣，及时向定欣伸出援手的杏儿更因此与对方成为好友：「我同定欣、胡倍蔚，因为都姓胡，所以成立咗「胡说八道会」，黄智雯、姚子羚同李施桦系后来加入嘅！」李施桦是杏儿老公李乘德的前度女友，对于这位好姊妹，杏儿大方说：「都已经系过咗去嘅事！」杏儿也透露曾邀请旧爱黄宗泽（Bosco）出席婚礼，可惜当时Bosco丁父忧，未有到贺。
现时杏儿已是幸福人妻，对于夫妻相处之道，她说最紧要是互相尊重，包括工作上也要顾及对方感受。杏儿自爆趣事说：「有次佢（老公）问我会唔会做《色，戒》里（里）面汤唯个角色，我『傻更更』谂都唔谂就答佢会，佢听完唔开心咗好耐！」又指老公虽然在外国长大，但思想传统：「佢知我成日去荒山野岭拍戏，特登去买块玉畀我护身，有次见我冇戴，佢又嬲嬲猪咗！」为顾虑到老公的感受，杏儿笑谓现时拍戏，性感或接吻戏一概免问。
嗌有压力！何雁诗前臂疑似有伤痕
歌手何雁诗（Stephanie）早前被传疑割脉自杀急送院，之后佢每次出活动都例必着长袖衫示人，昨日佢去电台宣传，都系着长袖衫，佢话系因为畀人话肥，所以要着长袖遮手臂。
而啱啱，Stephanie终于嚟个「大解放」，佢喺ig上载咗张相，见佢难得唔着长袖，改着住背心，虽然唔知张相系新相定旧相，但有眼利网友就话佢手上疑似有伤痕。佢留言话：「Wheredo I go from here？」之后佢仲#feelingweak#stressed#vent#anothernewday#newpage #newme，睇嚟佢想重新出发喎，加油呀！之后，Stephanie再上载多一张相，今次佢就着住入膊连身短裙，晒腿又晒手臂，不过今次就完全睇唔到有伤痕，因为佢专登将双手前臂内侧反转贴住自己个身，咁就既可晒臂但又唔怕畀人睇到前臂内侧，不过就令到佢嘅姿势睇落去有啲怪怪感觉好唔自然。
郑俊弘事业受挫 放假过冷河
郑俊弘（Fred）自今年4月被爆与何雁诗挞着后，随即被指早有一名拍拖三年的富贵未婚妻，疑似一脚踏两船，虽然他事后否认「劈腿」，但亦令其形象破产，事业大受影响！近几个月以来工作量及曝光率都大幅减少的他，从其社交网站可见，他近日只有上载去跑步、饮咖啡等照片，非常悠闲，工作量明显不及从前。对于女友何雁诗的左手前臂疑有伤痕，至今仍未回复。
而唱片公司高层何哲图受访时，表示Fred的工作没有减少，只是他现时仍在放假，不在香港：「香港已经准备咗啲录音工作畀佢，都安排咗佢八月会出席活动。」问到这段期间是否要Fred过冷河？他否认说：「冇呢个特别情况，佢仲系放紧假啫。」
佘诗曼张继聪张智霖匿入餐厅避大雨
佘诗曼与张智霖及张继聪等人，连日为新片拍摄，晚上他们又于大坑取景，见佘诗曼与张继聪于车厢内拍摄一场倾偈戏份，拍了一会导演已收货。及后转景时却突然落大雨，畲诗曼与张智霖等人见状，即急急脚步入了附近餐厅避雨。
36岁阿娇低胸晒骨感美 网民狂赞靓到晕
天然美永远都系最啱睇！夏日炎炎好多模特儿同女星「胸」群而出晒事业线晒长腿，出写真博收视，其实只要真材实料，展现天赋美态，都一样吸睛吸Like！好似今年36岁嘅歌手钟欣潼（阿娇），唔好以为佢三张几嘢就嚟四张，就唔够一众小妹妹斗，查实依然大把货！
昨日佢在社交网上载一张着住吊带低胸裙嘅自拍照，喺蓝天白云下玩自拍嘅佢，虽然要线冇线，要肉冇肉，但就展示健康骨感美，就连何超莲同卫兰等都畀Like！大批网民同粉丝疯狂留言，左一句「Pretty」、右一句「Sexy」，猛赞阿娇靓到晕，又话靓到令人呼吸唔到，但又话见佢咁瘦，觉得好心痛咁话喎！阿娇随意放张靓相，已经咁多人赞到天上有地下无，如果出埋写真，咪不得了？
☞转载授权微信：lama129
☞ 商务QQ：443317765
☞投稿邮箱：tghkchannel@163.com