黄翠如同萧正楠自公开恋情后，不时分别在社交网站大放闪光弹，拍拖三年的翠如BB和萧正楠近日更传出婚讯，二人会在8月结婚，之后会仲环游世界蜜月造人。
萧正楠接受访问时，更大赞女友系「一个不能错失嘅老婆」，好多粉丝和圈中人都纷纷留言大赞Sweet爆，不少人「催婚」及送上祝福！
其实TVB 荧幕情侣又岂止翠萧恋呢pair，过往经常有演员假戏真做，由镜头下恋到现实生活中，以下呢几对 荧幕情侣 ，你哋又记唔记得？
黄翠如 萧正楠 －《师奶MADAM》
黄翠如同萧正楠自2014年五月公开恋情后，至今已经拍拖三年！两人恋情一直十分高调，有如糖痴豆，不论镜头前后都可现二人甜蜜踪影！
其实佢哋嘅恋情萌芽于拍摄《师奶MADAM》之时！翠如喺「定情剧」中饰演由千金小姐变做屋邨师奶的女卧底，而萧正楠就饰演翠如嘅儿时梦中情人，与翠如扮演夫妻，一同查案。剧中二人有情人终成眷属，由假夫妻变成真夫妻，而喺现实生活中，Edwin都一样系翠如BB嘅Mr. Right！个个都Like爆佢哋，二人仲多次一齐夺得 荧幕情侣 奖添！
当然唔少得佢哋喺《幕后玩家》入面嘅湿身出浴激嘴戏份！
胡杏儿 黄宗泽 － 《我的野蛮奶奶》
相信大家仲记得杏儿在拎视后的时候向Bosco讲嘅爱的宣言，杏儿当时话：「我知道我好多缺点，我都好难顶，但你都好多缺点，你都好难顶，我希望……我哋一路顶住大家。」
其实佢哋喺2005年拍摄古装剧《我的野蛮奶奶》时挞着，杏儿喺剧中同Bosco饰演夫妻，与野蛮奶奶汪明荃闹出唔少婆媳纠纷嘅趣事。喺现实生活中，Bosco同杏儿呢对姐弟恋长达八年，喺圈中公认为金童玉女。
可惜，佢哋最终都冇继续「顶住」，喺2012年以分手收场。
同Bosco分手三年之后，杏儿终于遇到佢嘅真爱。佢喺2015年正式宣布同金融才俊李乘德（Phil）拍拖，而Phil亦喺同年杏儿生日当日求婚成功。
郑嘉颖 周丽淇 －《翡翠恋曲》
要数郑嘉颖和周丽淇嘅经典作必定谂起《天幕下的恋人》，但其实佢地喺2004年《翡翠恋曲》一剧已经首度合作。其后先诞生《天幕下的恋人》同佢嘅姊妹作《最美丽的第七天》。
三套剧入面两人都系饰演情侣，难怪佢哋拍出真爱！虽然佢哋并冇公开恋情，直至分手后先正式承认五年地下情，但系二人恋情一直系公开嘅秘密。
而嘉颖同陈凯琳嘅「父女恋」同样系萌芽于拍剧！二人于2015年拍摄剧集《殭》而认识，同年承认拍拖。
马国明 胡定欣 －《舞动奇迹》
马国明好戏、靓仔之余，几乎零绯闻，确实系圈中既「笋盘」之一。原来多年前「笋盘」都曾经俾胡定欣「封盘」。事缘两人喺2008年拍摄舞蹈真人Show《舞动奇迹》中跳出真爱，可惜拍拖不足一年以分手收场。分手后，定欣指同马明因为基础唔稳定，而且太多顾忌而分手。
同定欣分手后，马明一直未有着落，但早前马明与黄心颖传出绯闻，经常被影到撑枱脚同约睇戏，又不时情侣档出席活动。近日马明公开表示唔介意大家叫黄心颖系佢女朋友，明显想公开恋情！
而定欣嘅感情路崎岖，虽然之前同陈展鹏传出绯闻，仲以情侣档出骚，点知最后杀出个程咬金，展鹏暗挞港姐单文柔，而近日定欣被指秘恋新人施骏喆，但定欣否认并称对方只系小粉丝。
陈豪 陈茵媺－《心战》
睇咗咁耐，好似每对TVB荧幕情侣都逃唔过分手收场⋯⋯其实又唔系嘅！陈豪同陈茵媺喺2010年拍《心战》一剧认识。
虽然佢地唔系饰演情侣而系兄妹，但都一样可以擦出爱火花！
两人喺2010年相恋，拍拖两年多后在巴黎结婚，短短四年就频频「造人」，至今已经生左两仔一女，简直就系TVB嘅模范家庭！
☞转载授权微信：lama129