今日快报
和好如初！温碧霞生日晒全家福感谢老公
昨日51岁生日嘅“美魔女”温碧霞（Irene），早前同老公何祖光闹“婚变”，Irene就去咗美国散心，但连日都有喺网上晒靓相，心情非常唔错！
而寻日就有消息指何祖光都好想挽救呢段婚姻，所以远赴当地箍煲，睇嚟“行动”好成功，昨日Irene就大晒一家三口照，感谢老公包容佢嘅一切任性同自我！
相中嘅Irene笑得非常开心，同老公玩自拍，又影全家福，何祖光又搭住Irene膊头，之后就齐齐切蛋糕，感觉非常幸福！Irene留言：“谢谢你这些日子里（里）带给我的快乐和幸福，我们一起笑过哭过以后，原来爱已经成为了我的习惯：）[心][心][心]Ps谢谢你包容我的一切任性和自我：） love u always”虽然今年冇大型生日派对庆祝，不过相信对Irene嚟讲，别有一番意义！
而Irene接受访问时，就承认“复合”同老公和好如初，佢话：“经过分开以后，我更加知道他真的非常爱我，而现在我们之间感情也更加深厚了！谢谢大家关心！”
母爱真伟大！Bob嫂患妊娠糖尿挨980针
艺人林盛斌（Bob）出名系圈中好老公同好爸爸，太太Pearl先后为佢生咗三个可爱宝贝女，林霏儿（Faye）、林熹儿（Haye）同林机儿（Kaye），依家仲怀有第四胎，母爱真系伟大。原来Pearl一直有妊娠糖尿问题，仲要定期睇医生接受治疗，佢日前喺社交网就道出睇病嘅情况：“严格来讲可能我唔系妊娠糖尿咁简单，我平时嘅糖尿指数都系高嘅，所以去到第四个BB，已经好识得处理。而我嘅处理方法就系要去到每餐打胰岛素控制血糖。”
pearl仲透露“由第二个怀孕时第23周开始打胰岛素针；第三个由第九周开始打胰岛素；第四个时第四至五周就已经开始要打啦！其实咁样每日打四针，整个怀孕嘅过程系40周，第五周开始打即系我打咗35×7×4=980针，仲未计餐前餐后要笃手指验血。
虽然我依家好习惯点样处理糖尿病，但系其实我都经过一个挣扎嘅过程。讲起当时嘅心情真系一匹布咁长，应该可以另开一篇来写。但系我最终学习到嘅就系既然已成事实，就顺其自然！可以做嘅就做晒佢，总之对得住自己；对得住个小朋友就OK啦！”好多网友睇完都大为感动，指母爱嘅付出真系好大。
唐诗咏愿意拍裸跑戏：剧情好正会想试
艺人唐诗咏（Natalie）、岑丽香（香香）及胡诺言（胡仔）到屯门出席“V city 4周年诞生祭”，与新鸿基地产代理租务副总经理孙雅茵小姐，齐贺V city 4岁生日快乐！
Natalie在台上献唱《陪着你走》，并由张彦博负责结他伴奏，Natalie大赞对方有音乐才华，她说：“我哋拍《栋仁的时光》，得闲就会唱歌，佢好有音乐才华，识编曲，又靓仔又年轻。（有冇机会发展？）我想发展我哋嘅‘歌路’，希望做多啲啱我唱嘅歌！（想做歌手？）冇，依家有big big channel，可能会做啲直播！”
Natalie又笑言西装示人的胡诺言着太多衫，她说：“我有睇佢拍剧裸跑嘅新闻，正！今日咁热佢着得太多啦！我之前同佢喺内地拍剧嘅时候，啲戏服都系好厚，冇谂到佢除咗衫，身形咁好！不过佢好勤力，每日都坚持运动。（你接受到着住打底衫裸跑？）依家好难讲，但如果个剧情系好正嘅，为咗效果，作为演员，我都想试！”
胡说八道会被瞒骗 黄智雯惊喜现身澳洲
“胡说八道会”一班好姊妹胡定欣、胡蓓蔚、姚子羚、胡杏儿等，去咗澳洲为无线拍摄特辑，虽然各人早前都有上载喺香港机场出发嘅相片，但就未见成员黄智雯同行。不过原来黄智雯已经静鸡鸡去咗当地会合一班“好姊妹”。
姚子羚同胡定欣都有上载齐人嘅合照，姚子羚被黄智雯瞒骗仲叫佢做死婆，佢话见到佢嘅出现感到自己都眼湿湿，佢发文话：“正当我地（哋）以为黄智雯有好大机会去唔到澳洲嘅时候～呢个死婆原来欺骗我地（哋）感情～喺Qantas Lounge出现～搞到人地（哋）眼湿湿～虽然你呃左（咗）我地成个礼拜！但你呢个surprise好正啰！Yeah～～～我地（哋）胡说八道终于冇六缺一…真真正正可以胡说八道去旅行啦！一个都不知道少。”而胡定欣就表示“有人呃咗我地（哋）成个星期话去唔到，搞到我地（哋）好唔开心，原来....你....黄智雯，你好嘢！！！”
黄智雯都有喺社交网站发文，佢留言：“为左（咗）比（畀）呢个surprise班姊妹，失眠左（咗）好几日！sorry gals，搞到你地（哋）变喊包，唔齐脚点叫胡说八道去旅行。。”。
欧阳珮珊出殡 郭锋抚亡妻遗照伤心痛哭
资深艺人郭锋妻子欧阳珮珊（原名陈洁英）于7月9日因肺腺癌病逝，终年63岁，今日假九龙殡仪馆东海堂出殡。郭锋一早到达灵堂，而黄浩然、刘江、林敬刚及陈美琪等自早上8时起陆续到达灵堂。
欧阳珮珊灵柩于早上九时三十分被送上灵车，然后移送葵涌火葬场，郭锋捧着亡妻的遗照慢慢步上灵车，神情悲伤。登上灵车后，郭锋不时轻抚亡妻的遗照，更忍不住痛哭。
而艺人林建明（大姐明）大约9时到达灵堂，提起欧阳珮珊，她呜咽说：「今日嚟送欧阳珮珊一程，佢同郭锋都系大好人，我同郭锋就有喺Facebook联络，同欧阳珮珊对上一次见系十几年前，嗰阵时佢有开美容店。今日嚟都想睇吓郭锋心情点样，睇吓使唔使畀啲心灵辅导。（郭锋同欧阳珮珊系咪有仔女？）呢啲系佢哋嘅私事，我唔知道。」
☞转载授权微信：lama129
什么？玩游戏还能有收益？
你没有听错
玩游戏还可以投资、稳赚不赔
给我一个手机，
我能玩出百万豪车的感觉
让你永远都忘不掉沙城
还有更多福利等你来拿！
↓↓↓
狂戳！各种奖励让你拿到手软